2024 թվականը Արմլիզինգի համար՝ կայուն աճի և շարունակական զարգացման տարի
2024 թվականը «Արմենիան Լիզինգ Քամփնի» ՈւՎԿ ՓԲԸ-ի համար եղավ աճի, արդյունավետության և կայուն կառավարման տարի։ Հունիսի 26-ին կայացած տարեկան ընդհանուր ժողովով հաստատվեցին տարվա հիմնական ֆինանսական արդյունքները՝ հաստատելով Ընկերության առաջընթացը շուկայում։
#Armleasing-ը հետևողականորեն ամրապնդում է իր դիրքերը ֆինանսական ոլորտում՝ խթանելով բիզնես ակտիվությունը և ներդրումային միջավայրի զարգացումը։
2024 թվականի հիմնական ֆինանսական ցուցանիշները հետևյալն են՝
• Ընդհանուր ակտիվների աճ՝ 73.4%
• Լիզինգային պորտֆելի աճ՝ 70%
• Ընդհանուր կապիտալի աճ՝ 8.8%
• Տարեկան զուտ շահույթի աճ՝ ավելի քան 6 անգամ նախորդ տարվա համեմատ
Ըստ կայացված որոշման՝ 2024 թվականին ստացված շահույթը ամբողջությամբ ուղղվել է ընկերության կապիտալի համալրմանը, և շահաբաժինների բաշխում չի իրականացվել։
Այս արդյունքները ևս մեկ անգամ հաստատում են Արմլիզինգի որդեգրած ռազմավարության արդյունավետությունը, թիմային աշխատանքը և կառավարման բարձր մակարդակը։
Նոր ուղղություններ և շարունակական զարգացում
2025 թվականին՝ Արմլիզինգը շարունակում է զարգացնել ժամանակակից ֆինանսավորման գործիքներ՝ կենտրոնանալով իրական հատվածի աջակցման, թվայնացման և ներդրումային լուծումների նորացման վրա։
2025–2026 Ռազմավարական առաջնահերթություններն են՝
• Արդյունավետության ցուցանիշների բարելավում
• Թվային ալիքների և հարթակների զարգացում
• Կայուն զարգացման նպատակների ինտեգրում և տրանսֆորմացիա
• Միջազգային գործընկերային ցանցի ընդլայնում
• Տեխնոլոգիական արդիականացում և նորարարության վրա հիմնված մշակույթի խթանում
• Մարդկային կապիտալի զարգացում
Շնորհակալություն վստահության համար
Արմլիզինգը իր երախտագիտությունն է հայտնում բոլոր գործընկերներին՝ շարունակական համագործակցության, վստահության և փոխադարձ աճի համար։ Ձեր ներդրումն է, որ հնարավոր է դարձնում այս առաջընթացը։
